इंटरनेट, 2know.in

2know.in ब्लॉगला २ वर्ष पूर्ण (वाटचाल, आढावा)

आज 2know.in या आपल्या आवडत्या ब्लॉगला, साईटला दोन वर्ष पूर्ण होत आहेत. या प्रवासात आपण 2know.in ला जे भरभरुन प्रेम दिलंत, त्याबद्दल मी आपल्या सर्वांचा ऋणी आहे. २ वर्ष पूर्ण होत असल्या निमित्त, आपण 2know.in च्या वाटचालीचा आढावा घेणार आहोत. त्यासाठी मी २०१० व २०११ या वर्षांतील 2know.in चा तुलनात्मक तक्ता तयार केला आहे. त्यामुळे थोडक्यात आपल्याला 2know.in च्या वाटचालीचे स्वरुप समजेल. त्यानंतर आपण आर्थिक आणि भावनिक दृष्टिकोनातून 2know.in चा प्रवास पाहणार आहोत. त्यावरुन 2know.in संदर्भातील गोष्टींचा एकंदरीत अंदाज येईल. याचा जुन्या आणि नव्या मराठी ब्लॉग लेखकांना नक्की उपयोग होईल. पुढील वाटचालीची दिशा कोणती असावी? हे देखील यातून ठरवणं आपल्याला सोपं जाईल. तर खाली मी 2know.in च्या मागील दोन वर्षांतील वाटचालींची तुलना करणारा तक्ता देत आहे.

पुढे वाचा...

ऑनलाईन खरेदीचा अनुभव

मी नुकताच माझा मोबाईल ऑनलाईन विकत घेतला. तर हा ऑनलाईन खरेदीचा अनुभव एकंदरीत कसा होता? आणि ऑनलाईन खरेदीची प्रक्रिया नेमकी कशी पूर्ण होते? ते आज आपण पाहणार आहोत. इतरांप्रमाणेच सुरुवातीला माझ्या मनात ऑनलाईन खरेदीबाबत शंका होती. पण आत्तापर्यंत तरी मला त्यासंदर्भात सुखद अनुभवच आला आहे. माझ्याप्रमाणेच भारतातील इतर लोकही आता ऑनलाईन खरेदीवर विश्वास टाकू लागले आहेत. भविष्यात ऑनलाईन खरेदीचे प्रमाण मोठ्या प्रमाणात वाढणार असून, छोट्या दुकानदारांना त्यामुळे निश्चितच काही प्रमाणात झळ बसेल, असं मला वाटतं. कारण मी ज्या वस्तू ऑनलाईन विकत घेतल्या, त्या मी तिथून विकत घेतल्या नसत्या, तर पारंपारीक दुकानदारांकडूनच विकत घेतल्या असत्या. आणि माझ्यासारखे लाखो लोक आज लाखो वस्तू ऑनलाईन विकत घेत आहेत. त्यामुळे छोट्या दुकानदारांना नक्कीच यामुळे काही प्रमाणात नुकसान होऊ लागलं असेल. आणि यापुढे या नुकसानात निश्चितच आणखी भर पडणार आहे. ऑनलाईन खरेदीचे फायदे काय आहेत? हे पहात असतानाच आपण फ्लिपकार्ट, ब्लू डार्ट या ऑनलाईन खरेदी संदर्भातील सेवांची विस्तृत माहिती घेणार आहोत.

पुढे वाचा...

स्मार्टफोनचे रुपांतर वाय-फाय हॉटस्पॉट मध्ये कसे करता येईल?

आपला मोबाईल ‘वाय-फाय’शी कसा जोडायचा? ते आपण मागच्या लेखात पाहिलं. वाय-फाय म्हणजे काय? ते देखील आपण त्या लेखात थोडक्यात पाहिलं. आपल्या घरात वायरशिवाय हवेतून ब्रॉडबँड इंटरनेटचा लाभ घेण्यासाठी आपल्याला वाय-फाय राऊटरची गरज भासते. हे वाय-फाय राऊटर बाजारात स्वस्तात विकत मिळतं. आपल्याला Flipkart वर ते कमीतकमी दरात घरपोच मिळून जाईल. आणि कोणतीही चिंता न करता ऑनलाईन खरेदी करा. मी माझा स्वतःचा मोबाईल ऑनलाईनच विकत घेतला आहे. पावती, वॉरंटी, वस्तू असं सगळं काही अगदी व्यवस्थित घरपोच मिळतं. शिवाय कुरीअरचा कोणताही खर्च आपल्याला ‘करावा लागत नाही’. याबाबत सांगण्यासारखं खूप काही आहे. त्यामुळे फार विषयांतर व्हायला नको म्हणून मी हे सर्वकाही पुढील लेखात अगदी विस्ताराने सांगेन. आपण आपल्या मूळ लेखाकडे वळूयात. तर वाय-फाय च्या माध्यमातून इंटरनेटच्या एकाच कनेक्शनचा अनेकजण एकाच वेळी आपापल्या संगणक, लॅपटॉप, मोबाईलवर लाभ घेऊ शकतात. पण आपल्याला हे माहित आहे का? की, आपला स्मार्टफोन देखील वाय-फाय राऊटरचं काम करु शकतो!

पुढे वाचा...

मोबाईल ‘वाय-फाय’शी कसा जोडायचा?

आजकाल प्रत्येक स्मार्ट फोनमध्ये ‘वाय-फाय’ (Wi-Fi) नेटवर्कशी जोडलं जाण्याची सुविधा असते. वाय-फाय नेटवर्क हे इंटरनेटशी संबंधीत आहे. ‘वाय-फाय’च्या माध्यमातून आपल्याला एका ठराविक क्षेत्रात वायरशिवाय गतीमान इंटरनेट वापरता येते. उदाहरण सांगायचं झालं, तर माझ्या घरात ‘टाटा’चे ब्रॉडबँड इंटरनेट आहे. हे ब्रॉडबँड इंटरनेट वायरच्या माध्यमातून माझ्या घरात पोहचलं आहे. ही वायर माझ्या घरातील संगणकाला जोडली आहे. त्यामुळे मला माझ्या संगणकावर ब्रॉडबँड इंटरनेटच्या माध्यमातून अधिक गतीने इंटरनेटवरील साईट्स पाहता येतात. पण आत्ता मी हा लेख माझ्या लॅपटॉपवर लिहित आहे. मी माझ्या लॅपटॉपवर ब्रॉडबँड इंटरनेट वापरत आहे. हे कसं? तर माझ्या घरात जी ब्रॉडबँड वायर आली आहे, ती ‘वाय-फाय’शी जोडली गेली आहे. वाय-फाय हे एक प्रकारचं डिव्हाईस (Router) आहे. तर या राऊटरच्या (Router) माध्यमातून माझ्या घरापुरते, काही मीटर अतंरात ‘वाय-फाय’चे क्षेत्र निर्माण झाले आहे (‘वाय-फाय’ची रेंज आहे). म्हणजेच त्या ठराविक क्षेत्रामध्ये मी वायरशिवाय ब्रॉडबँडचा लाभ घेऊ शकतो. तर आत्ता माझा लॅपटॉप अशाप्रकारे गतीमान ब्रॉडबँड इंटरनेटशी वायरशिवाय जोडला गेला आहे. ‘वाय-फाय’चे राऊटर २-3 हजारांत विकत मिळते. त्यानंतर त्यावर काही खर्च येत नाही.

पुढे वाचा...